久違了的update

前上司有兩句格言,我初時聽得很反感,因為每次佢咁講,都係暗指我辦事不力.......

沒有不可能的事,只有難成的事
沒有做不到的事,只有不願做的事

作為下屬,聽到這兩句話,肯定感覺不舒服,你都知我唔願做,就唔好煩我啦......

不過,這兩句話對我做人有很大幫助,因為只要反過來想,就發現我原來有得選擇.

當我面對我覺得不可能或做不到的事情,我知道,我其實係唔願意做.

以往覺得無奈,因為做不到而要放棄一些事情,現在我知道,我只係唔願意做,but so what?我就係唔鍾意做,我選擇左唔做.

然而,當事情不可不做時,我知道總有能做的事,問題只是麻煩和願不願意做.

奇妙的是,當我覺得我有選擇的時候,事情忽然變簡單了.

不妨試試!