學習順服

Post了兩個莫名其妙的主題,主要原因是自己的心情也未平復,都唔知可以寫乜,但又想將心情寫上部落格,結果被覺得好"灰"(多謝牛姑娘直率的意見),自己反省一下,反而覺得從新上左學習順服同放手的一課.

其實呢種經驗唔係第一次,我性格好多時會不知不覺將全世界擔在自己肩上,明知要改,但狗改不了吃"X",每過一段時間就會返轉頭,路路出生後,我又不知不覺的開始衝,公私兩方面都一樣,好努力想滿足家人,朋友,同事的希望,好努力希望事情能如計劃一樣順利進行,不知不覺自己精神會拉得好緊.

感謝神讓事情不如我計劃地發生,因為祂通過這些"不成就"成就了我去真心仰賴祂.

好記得悠長假期(Long Vacation)裡面木村同山口智子的一段對話,大約係話當事情不如意時,係神俾機會人放長假,同泳衣妹妹的意見不謀而合,係唔係神俾我偷懶的指示呢?