爸爸的感覺

成為了路路爸爸已經超過兩年了,一直覺得很難歸納一個"感受",因為這段經歷實在是太豐富了,甚麼感受都有,其中以下的是感覺比較深刻的:

洗不完的奶樽-每一天都要洗奶樽,洗了超過兩年,已經去到"自動波"的程度,只要站在一堆的奶樽前面,雙手就會自動開始洗奶樽,有時連自己洗左乜都唔記得......

安睡不再是必然的權利-雖然不及路路媽媽咁辛苦,但一晚訓天光不再是必然的權利,而是受路路的心情所控制.

"呢個時候係最辛苦的"-呢句說話從路路出生到現在都聽唔同的人講過,通常後面會加句"因為要起身餵奶"或"因為開始周圍爬"或"因為開始爬高"等等,個人意見係不同時段有不同辛苦,暫是未有"終於捱過左啦"的感覺,應該永遠都不會捱完吧......

"呢個時候係最好玩的"-呢句說話都經常聽到,個人意見係"天天新款,日日不同",大至學爬,學行,叫爸爸,叫媽媽,小至每晚睡覺,每次換片,每次抱抱,都有新的發現,簡直係好玩到難以形容.

對別的小孩的感受-以前見到其他小孩"扭計"會覺得很煩,覺得肯定是父母"寵"壊了,路路出世後覺得小孩"扭計"都好可愛,不過最近開始有"希望路路第時唔好好似呢個細路咁啦"的感覺.

好佩服媽媽-覺得路路媽媽好利害......點樣生件野出來仲可以養到咁大......勁!

好佩服自己阿媽-點解以前我阿媽可以同時間照顧我兩個姐姐仲可以落田,簡直不可思議......超勁!